மஹாராஷ்டிரா மாநிலம் மும்பையை சேர்ந்த 22 வயது இளைஞர் ஒருவர் கடந்த டிச.,08 ம் தேதி பிரபல ஹோட்டலுக்கு சென்றுள்ளார். பின்பு, ஹோட்டல் முன்பு நின்று செல்பி எடுத்து தனது இன்ஸ்டாகிராம் செயலியில் பதிவேற்றம் செய்தார். இளைஞரை இன்ஸ்டாகிராமில் பாலோ செய்யும் 4 வாலிபர்கள், அந்த ஹோட்டல் பற்றிய விவரத்தை அறிந்து அந்த இடத்திற்கு விரைந்துள்ளனர்.
ஹோட்டலில் இளைஞரை கண்டறிந்த 4 பேரும், அவரிடம் சென்று, இன்ஸ்டாகிராமில் தங்களின் பெரிய ரசிகர்கள் என பேச்சுக் கொடுத்துள்ளனர். மேலும், தங்களுடன் பைக் ரைடு வருமாறு அழைத்துள்ளனர். இவர்களின் பேச்சில் மயங்கி 4 பேருடன் பைக்கில் சுற்றியுள்ளார். பின்னர், மும்பை விமானநிலையம் அருகே பைக்கை நிறுத்தி, காரில் செல்லலாம் என வற்புறுத்தியுள்ளனர்.
காரில் சுமார் 3 மணிநேரமாக 4 பேரும் சேர்ந்து கூட்டு பாலியல் தொல்லை கொடுத்துள்ளனர். பின்பு, அடுத்தநாள் காலை, சாலையின் ஓரமாக இளைஞரை இறக்கிவிட்டு 4 பேரும் தப்பினர். இது குறித்து வி.பி.நகர் போலீஸ் ஸ்டேஷனில் இளைஞர் புகாரளித்தார். அடுத்த சில மணிநேரத்தில் 4 பேரையும் இயற்கைக்கு மாறான உறவு வைத்ததாக 377 பிரிவின் கீழ் கைது செய்த போலீசார் சிறையில் அடைத்தனர். அதில் ஒருவர் 18 வயதுக்குட்பட்டவர் என்பதால் அவரை சிறுவர் சீர்திருத்தப்பள்ளியில் சேர்த்தனர்.
