யூ டர்ன் போட்ட சிவசேனா: மாசோதாவை மாநிலங்களவையில் எதிர்க்க முடிவு

Citizenship (Amendment) Bill: எங்களுக்கு திருப்திகரமான பதில்கள் கிடைக்கவில்லை என்றால் மக்களவையில் நாங்கள் எடுத்த நிலைபாட்டை விட வித்தியாசமாக இருக்கும் என்று சிவசேனா நாடாளுமன்ற உறுப்பினர் சஞ்சய் ராவத் கூறினார்.

Mumbai: 

மக்களவையில் மசோதாவுக்குஆதரவாக வாக்களித்த சிவசேனா இரண்டுநாட்களுக்குப் பிறகு மாநிலங்களவையில் மசோதாவை எதிர்க்கும் என்று நெருங்கிய வட்டாரங்கள் தெரிவித்துள்ளனர். இந்த மசோதா தொடர்பான உள்துறை அமைச்சர் அமித் ஷாவின் அறிக்கையில் “திருப்தி அடையவில்லை” என்று அந்த வட்டாரங்கள் தெரிவித்தன. 

சர்ச்சைக்குரிய மசோவுக்கு மக்களவையில் ஆதரவு தெரிவித்தத்தற்காக கூட்டணி கட்சிகள் அதிருப்தி தெரிவித்த நிலையில் சிவசேனா அழுத்தத்தை எதிர்கொண்டுள்ளது. குடியுரிமை (திருத்த) மசோதா இந்திய அரசியலமைப்பின் மீதான தாக்குதல் அதை ஆதரிக்க எவரும் நாட்டின் அடித்தளத்தை தாக்கி அழிக்க முயற்சிக்கின்றனர்” என்று ராகுல் காந்தி ட்வீட் செய்துள்ளார்.